Suscito
Imagination is more important than knowledge
20.2.08
Mhm
Ég er þessi gaur sem horfir í spegil þegar ég er ber að ofan og bíð eftir því að lítið alien skrímsli brjótist út úr bringunni - en það gerist aldrei.
Var að lesa þessa grein um aðra „jarðhnetti“ í sólkerfinu okkar (þ.e.a.s. Oort skýinu). Hversu kaldhæðnislegt væri það ef það væri önnur jörð á braut um sólu með sama brautarhraða og okkar jörð en bara akkúrat hinum megin við sólina?
Finn ég þef af samsæriskenningu?
18.2.08
Ólga dyggðarinnar
Í gegnum skóga sköpunar
skundaði ég glaður.
Í skjóli skepnu glötunnar
ég skyldi verða maður.
Hún leiddi mig um leiðir
lífsins földu vega.
Hún sálu mína meiðir
ég meinum venst með trega.
Þótt greini ei milli glita
guma er hlýtur hnekki
þá hvort er betra að vita
eða vita ekki?
8.2.08
Reykingar
Það er vitað að reykingar valda krabbameini.Það er vitað að þær eru _mjög_ ávanabindandi.
Það fæst ekkert sérstakt kikk út úr því að reykja, fíknin er aðeins sefjuð.
Það kostar peninga, einn pakki á dag eru lágmark 10 þúsund króna útgjöld á mánuði.
Hvers vegna er þá enn þá til fólk sem byrjar að reykja!?
Ég vil fá góða útskýringu á þessu.
4.2.08
Ef þið týnist e-s staðar í myrkum og skuggalegum viðjum netsins þar sem barnaníðingar og glæpamenn dvelja skuluð þið ekki örvænta!
